بسـم الله الرحمن الرحيم ...
موضوعنا بأذن الله رائع برغم طولـ وكثر صفحاته ...علشان كذا ياليت ياأخوات ماتردون ألا على الاسئـله فقط او لو فيه ســؤال يخص الموضوع ...ومن ناحية الشكر على الموضوع ياليت تأجلوه الين مايخلص الموضوع لانه طويل وماابي الردود تكثر الصفحات ويتقطع الموضوع ويكبر
اتفقنا نرد بس على الاسئله ولا اذا فيه سؤال بس الله يخليكم
.
.
.
المهم بعد ماعرفنا السر الاول والي كان يتكلم عن أهمية الحوار بين الزوجين واختيار الاوقات المناسبة والبعد عن الاسلوب المثير للمل ...
وتكلمنا بسرنا الثاني عن ألتمس الاعذار للزوج وتكون نظرتنا له في كل اعذاره ايجابية وتعلمنا كيف ومتى نعذر الزوج وننظر لمحاولات اعتذاره على انها تودد مو انها فقط لانه يبي شئ مننا وبعدها يطش وعرفنا ان فيه حالات لايمكن السكوت عنها او التغاضي او تقبل عذر الزوج كضرب والاهانات والجروح الجسدية والعاطفية والنفسية ...وان كل ماكانت نظرتنا للزوج ايجابية صارت حياتنا كلها سعادة وان نظرنا للزوج بنظرة سلبية بتصير حياتنا كلها سلبية
وقبل لأدخل للسـر الثالث احب اخبركم عن قصة رائعه في موضوع نظرتنا الايجابية والسلبية
يقال انه رجل سلف خطيبته السابقة ملبغ وقدرة عشرين الف وكان الكلام بينهم أنه سلف ووقت مايتوفر معها المبلغ بترجعه له ...المهم الخطيبين صارت بينهم مشاكل وانفصلوا بعد سنه اتصل الرجال يبي فلوسه ولكن البنت اعتذرت لانه المبلغ غير متوفر معها وبعدها بسنه ونص اتصل فيها وكررت الاعتذار ويوم من الايام وبعد مرور ثلاث سنوات كان محتاج لمبلغ 16 الف علشان يتمكن من شـراء سياره جديده وكان يبي هالمبلغ فقال له صديقه ليش ماتتصل بها علشان تطلب فلوسك فقال "ادري انها ماراح تعطيني اياهم "فقال له ليش فقال لاني كل مااتصل تقول ماعندي فسأله سؤال رهيـــــــــــــب
قال له وبنسمي الرجال عمر
ياعمر : عندما تهم بالاتصال بها مالذي يدور ببالك ؟
هل تقول سترد علي وستقول حسنا سوف اعطيك المبلغ اليوم مساءً
ام لن ترد علي وان ردت سوف تقول لاأملك المال ؟
فأجاب عمر : سترد علـي بعدما تجعلني اندم اني اتصلت بها وستقول لي لا املك المبلغ حاليا !
لذلك لن اتصل بها لاني اعلم انها ستقول لي نفس الكلام لقد مللت من سماع هذه الاسطوانة المشروخة
فقال له صديقه :ألآن اتصل بها وردد سوف اتصل بها وانت موقن بنفسك انها سوف ترد عليك وتقول لك حسنا ياعمر يمكننك ان تمر علي اليوم لاخذ مالك وشكر لك لانك ساعدتني
وتخيلوا اتصل عمر بخطيبته السابقة بعد تردد ومحاولات صديقه وقال لها اني احتاج للمبلغ اليوم لآتمكن من شراء سيارة جديده
فكان الرد تعال خذ فلوسك وفارق
الإثنين 18 فبراير 2008 - 10:48
